సంగతి స్పోర్ట్స్ విభాగం: దక్షిణాఫ్రికా కోచ్ షుక్రి కాన్రాడ్ కు టీమ్ ఇండియా గట్టిగా బదులిచ్చింది. భారత్ ఆటగాళ్లను అవమానించినట్లు వ్యాఖ్యలు చేసిన ఆయనకు తాజా విజయంతో బుద్ధి చెప్పినట్లయింది. లెక్కసరిపోయిందా అన్నట్లుగా సోషల్ మీడియాలో కామెంట్లు పెడుతున్నారు. విశాఖపట్నం వేదికగా జరిగిన మూడో వండేలో 9 వికెట్ల తేడాతో భారత్ తేలికగా దక్షిణాఫ్రికాను చిత్తు చేసి సిరీస్ ను కైవసం చేసుకుంది. ఈ సందర్భంగా గత సిరీస్ సందర్భంలో షుక్రీ చేసిన వ్యాఖ్యలు నెటిజన్లు గుర్తు చేసుకున్నారు. గత రెండు టెస్టుల సిరీస్ దక్షిణాఫ్రికా గెలుచుకున్న సందర్భంలో మీడియాతో మాట్లాడినప్పుడు భారత క్రికెటర్లను అవమానించేలా మాట్లాడాడు.
ఆ మ్యాచ్లో భారత ప్లేయర్లు ఎక్కువ సేపు తమ మొకాళ్లపై మైదానంలోనే ఎదురుచూసేలా చేసేందుకే ఆ మ్యాచ్ ను డిక్లేర్ చేయలేదని వ్యాఖ్యానించారు. ఆ మాటలపై నెటిజన్లతోపాటు ప్రముఖ క్రికెట్ ప్లేయర్ సునీల్ గవాస్కర్ కూడా తీవ్ర స్థాయిలో విరుచుకుపడ్డారు. తాజాగా దక్షిణాఫ్రికాను మట్టి కరిపించడం గట్టి బదులిచ్చినట్లయిందని సోషల్ మీడియాలో భారత క్రికెట్ అభిమానులు “నోటి దూల.. లెక్కసరిపోయిందిగా” అని తమ అభిప్రాయాలు పంచుకుంటున్నారు.
నోటి దూల.. లెక్కసరిపోయిందిగా!
